Գերմանիայում ընտրություններից առաջ AfD-ի թեկնածուներից 4-ը կասկածելի կերպով մահացել են

585

Կիրակի, 31 օգոստոսի, 2025 թ., 17:55

Գերմանական լրատվամիջոցները հայտնում են, որ «Այլընտրանք Գերմանիայի համար» (AfD) կուսակցության չորս թեկնածուներ հանկարծամահ են եղել Գերմանիայում տեղական ինքնակառավարման մարմինների ընտրություններից կարճ ժամանակ առաջ։
«Ընտրությունները նախատեսված են սեպտեմբերի կեսերին Հյուսիսային Հռենոս-Վեստֆալիայի 427 համայնքներում։ Սակայն դրանցից չորսում թեկնածուների հանկարծամահությունը լարվածություն է ստեղծում», - հաղորդում է NOZ թերթը։ Թեկնածուներն են 66-ամյա Ռալֆ Լանգը, 59-ամյա Վոլֆգանգ Զեյցը, 71-ամյա Վոլֆգանգ Կլինգերը և 59-ամյա Ստթեֆան Բերենդեսը։
Նշվում է, որ քվեաթերթիկներն արդեն ուղարկվել էին, և որոշ մարդիկ քվեարկել էին փոստով։ Սակայն այժմ գործընթացը պետք է կրկին իրականացվի։
WDR հրատարակությունը, իր հերթին, նույնպես հաստատում է այս տեղեկատվությունը։
Գերմանացի տնտեսագիտության պրոֆեսոր Ստեֆան Հոմբուրգը սա կասկածելի և վիճակագրորեն գրեթե անհնար է համարել։ Նա իր կարծիքը կիսվել է X սոցիալական ցանցում իր էջում։
BILD-ի համար INSA ինստիտուտի կողմից վերջերս անցկացված հարցման համաձայն՝ աջակողմյան կուսակցության (AfD) վարկանիշը հավասարվել է Քրիստոնեա-դեմոկրատական և Քրիստոնեա-սոցիալական միությունների (CDU/CSU) իշխող դաշինքի վարկանիշին. երկու կուսակցություններն էլ հավաքել են 25%։