«Որևէ տվյալ ձեռք չի բերվել, որ համայնքապետը ներգրավված է պրոցեսում»․ Արփինե Սարգսյան

«Մինչև այս պահը որևէ տվյալ ձեռք չի բերվել, որ Խոյի համայնքապետը ներգրավված է եղել պրոցեսում»,- լրագրողների հետ ճեպազրույցի ժամանակ հայտնեց ՆԳ նախարար Արփինե Սարգսյանը՝ անդրադառնալով Խոյ համայնքի ղեկավարի ու նրա եղբոր մասնակցությամբ Շահումյան գյուղում տեղի ունեցած ծեծկռտուքի մասին լուրին։ «Խոյի մասով երեկ պաշտոնական տեղեկատվություն ենք տարածել առ այն, որ մինչ այս պահը տեսախցիկների զննության, հարցաքննված անձանց հարցաքննությունների ուսումնասիրության հաշվառմամբ որևէ փաստական տվյալ ձեռք չի բերվել, որ համայնքապետը որևէ պրոցեսում ներգրավված է եղել։ Իհարկե եղել է միջատեպը, միջադեպի արդյունքում մենք ունենք ձերբակալված անձինք և հետամուտ ենք լինելու, որ միջադեպի բոլոր մանրամասները օբեկտիվորեն բացահայտվեն»․- նշել է ՆԳ նախարարը։