Փենթագոնը հաստատել է` Չիկագոյի ռազմածովային բազան կկիրառվի ներգաղթյալների դեմ պայքարի համար

Փենթագոնը հաստատել է Չիկագոյի ծայրամասում գտնվող ռազմածովային բազայի օգտագործումը՝ որպես մեկնարկային տարածք, որտեղից ԱՄՆ-ի նախագահ Դոնալդ Թրամփի վարչակազմը կկարողանա գործողություններ իրականացնել անօրինական ներգաղթյալների դեմ, հաղորդում է Washington Post-ը՝ հղում անելով Պաշտպանության նախարարության աղբյուրներին։
Երկուշաբթի օրը CNN-ը, հղում անելով աղբյուրներին, հաղորդել է, որ Թրամփի վարչակազմը այս շաբաթ կսկսի Չիկագոյում ներգաղթյալների դեմ պայքարի գործողություն՝ ուղարկելով զրահապատ մեքենաներ, ԱՄՆ-ի ներգաղթի և մաքսային ծառայության (ICE) գործակալներ և Ազգային գվարդիա։
«Մեծ լճերի ռազմածովային կայանը կլինի առաջիկա գործողությունների կենտրոնը, որը կհսկվի Հայրենիքի անվտանգության նախարարության կողմից»,- թերթին հայտնել են աղբյուրները։