«Ավելի շատ արձագանքեցիք ֆուտբոլիստի վարքագծին, քան սեփական ժողովրդին ստրկացրած փնթիներին»․ Սոֆյա Հովսեփյան

ԱԺ նախկին պատգամավոր Սոֆյա Հովսեփյանի ֆեյսբուքյան գրառումը. «Ավելի շատ ու ճոխ արձագանքեցիք օտարերկրացի ֆուտբոլիստի վարքագծին մեր հայրենակցի հանդեպ, քան սեփական ժողովրդին ստրկացրած փնթիների վարքագծին: Ի դեպ էդ ֆուտբոլիստը՝ անկախ հանգամանքից, միշտ նման պահվածք է ունեցել ու կամ ընդունեք իրեն էդպիսին կամ մի գզվրտվեք, ինքը ձեր ստատուսներով չի դաստիարակվելու:
Կարևորը ֆուտբոլն ու երկրպագուներն են, մնացածը 0 արժեք ունի ձեր համար:
Հա, գուցե հաղթենք այսօր, գուցե պարտվենք, բայց դա որևէ բան չի փոխի մեր կյանքում, բացի մի երկու օր լոպազավարի գլուխ գովալու առիթից կամ սրան-նրան մեղավոր գտնելու կինոներից:
Չի փոխի, որովհետև մենք կարևորը անկարևորից տարբերելու պարզ ընդունակություն չունենք, իսկ հրատապը՝ ոչ հրատապից, էլ քննարկելու չի»։