Գերմանիան 10 միլիարդ եվրո կծախսի քաղպաշտպանության և ապաստարանների համար
![]() 1658 Կիրակի, 07 սեպտեմբերի, 2025 թ., 21:36 Գերմանիայի իշխանությունները պատրաստվում են Սառը պատերազմից ի վեր քաղաքացիական պաշտպանության համակարգի ամենամեծ արդիականացմանը։ Բնական աղետների, ռազմական հակամարտությունների և այլ ճգնաժամային իրավիճակների ժամանակ բնակչությանը պաշտպանելու համար մինչև 2029 թվականը կհատկացվի 10 միլիարդ եվրո, Bild-ին տված հարցազրույցում ասել է Ներքին գործերի նախարար Ալեքսանդր Դոբրինդտը։ Նրա խոսքով՝ միջոցները կօգտագործվեն ռմբապաստարանների և պաշտպանիչ կառույցների ցանցի վերականգնման համար։ Նախկինում շատ ապաստարաններ փակվել էին ավելորդ լինելու պատճառով, ուստի այժմ Գերմանիայում դրանցից միայն 579-ն է մնացել։ Դրանք տեղավորում են 500 հազարից պակաս մարդու՝ 80 միլիոնից ավելի բնակչության պարագայում։ Դոբրինդտը պարզաբանել է, որ ծրագիրը նախատեսում է նաև ժամանակակից նախազգուշացման համակարգերի ներդրում՝ սկսած ազդանշաներից մինչև թվային ծանուցումներ և բջջային հեռախոսներով ծանուցումներ, և 1500 միավոր սարքավորումների ձեռքբերում հրշեջների, բժիշկների, փրկարարների և շարժական հրամանատարական կետերի համար։ Բացի այդ, միջոցները կօգտագործվեն քաղաքացիական պաշտպանության կազմակերպությունների, Տեխնիկական օգնության դաշնային գործակալության (THW) և Բունդեսվերի մասնակցությամբ զորավարժություններ անցկացնելու համար։ Իշխանությունները նաև մտադիր են ընդլայնելու անվտանգ կապի համակարգը՝ աղետների և հակամարտությունների դեպքում բոլոր արտակարգ ծառայությունների միջև անխափան փոխազդեցությունն ապահովելու համար։ Հունիսին Գերմանիայի քաղաքացիական պաշտպանության և աղետների հետևանքների վերացման դաշնային գործակալության ղեկավար Ռալֆ Թիսլերը հայտարարել էր, որ երկիրը չորս տարվա ընթացքում կընդլայնի ռմբապաստարանների և ապաստարանների ցանցը՝ հնարավոր ռուսական հարձակմանը նախապատրաստվելու համար։ Ավելի վաղ պաշտպանության նախարար Բորիս Պիստորիուսը խոսել էր մինչև 2029 թվականը Գերմանիան պատերազմին պատրաստելու անհրաժեշտության մասին։ |
«Իսրայելը կարող Իրանին հարվածել առաջիկա շաբաթներին». Ֆարզին Նադիմի
4017:44Երևանում, Կոտայքի, Արագածոտնի մարզերի բազմաթիվ հասցեներում 12 ժամ ջուր չի լինի
7617:30«Սա իրոք ինֆանտիլ ու մանկամիտ հասարակություն է»․ Արգիշտի Կիվիրյան
13116:06«Ցավոք, այս նշանավոր իրադարձությանը չեն մասնակցում Բագրատ ու Միքայել Սրբազանները»․ Գառնիկ Դանիելյան
6916:00Սթիվեն Սիգալը մասնակցում է Տիգրան Քեոսայանի հրաժեշտի արարողությանը (տեսանյութ)
20215:26Մոսկվայում վերջին հրաժեշտն են տալիս Տիգրան Քեոսայանին (տեսանյութ)
15015:15«Բորիս Ավագյանը տիրապետում էր գաղտնի տեղեկատվության, որն այս իշխանություններին ձեռնտու չէր»․ Դավիթ Կարապետյան (տեսանյութ)
17114:12«Առանց դատարանի վճռի հայտարարում են՝ գործը բացահայտված է»․ Հովհաննես Իշխանյան
11613:48