Թուփաք Շաքուրի սպանության մեջ մեղադրվողը նշել է պատվիրատուի անունը

Ամերիկացի ռեփեր Շոն Քոմբսը, որը հայտնի է Փ. Դիդի բեմական անվամբ, եղել է ռեփեր Թուփաք Շաքուրի և Death Row Records ձայնագրման ընկերության հիմնադիր Սյուջ Նայթի սպանության պատվիրատուն, հաղորդում է USA Today-ը՝ հղում անելով ենթադրյալ մարդասպանի՝ «Crips» հանցավոր խմբավորման նախկին անդամ Դուեյն Դեյվիսի (Քեֆ Դ) ցուցմունքին։

1996 թվականի սեպտեմբերին, Լաս Վեգասում երկու քալիֆորնիական խմբավորումների ներկայացուցիչների միջև բռնցքամարտի մենամարտից հետո Շաքուրը հարվածել է իր հակառակորդ Օռլանդո Անդերսոնին։

Դեպքից հետո նա չի գնացել ոստիկանություն, այլ պատմել է իր հորեղբորը՝ Դուեյն Դեյվիսին (Քեֆ Դ) տեղի ունեցածի մասին։ Վերջինս ցանկացել է օգնել իր զարմիկին՝ վրեժ լուծել։ Սակայն Դեյվիսի գաղտնի հարցազրույցը մանրամասնող՝ ոստիկանության զեկույցը ենթադրում է, որ մեղադրյալը վրեժխնդրությունից բացի մեկ այլ պատճառ էլ ուներ Շաքուրին և Նայթին թիրախավորելու համար. Քոմբսը 1 միլիոն դոլար պարգև էր առաջարկել նրանց սպանությունների համար։
Շաքուրի վրա կրակել են ժամեր անց՝ կողքից ընթացող մեքենայից։ Նա մահացել է մի քանի օր անց։ Նայթը կրակոց է ստացել գլխից, բայց ողջ է մնացել։

Շաքուրի մահվան հետ կապող ևս երկու մեղադրանքներ են հայտնվել նրա դեմ հարուցված քաղաքացիական հայցերի շարքի շրջանակներում ներկայացված փաստաթղթերում: Թերթի տվյալներով՝ ռեփերը պարծենում էր, որ պատվիրել է սպանությունը և որ հնարավոր է՝ վճարել է կրակոցների ժամանակ օգտագործված վարձակալված Cadillac-ի համար։

Շաքուրի մահվան գործով Քոմբսին մեղադրանք չի առաջադրվել և նա բազմիցս հերքել է իր մասնակցությունը: Լաս Վեգասի Մետրոպոլիտենի ոստիկանության խոսնակը թերթին ասել է, որ Քոմբսը երբեք կասկածյալ չի եղել Շաքուրի սպանության գործում:
Ամերիկացի ռեփեր և երաժշտական ​​պրոդյուսեր Շոն Քոմբսը (P. Diddy) ձերբակալվել է 2024 թվականի սեպտեմբերին՝ սեռական շահագործման, դավադրության և մարմնավաճառության խթանման մեղադրանքներով: Նա արդարացվել է ամենալուրջ մեղադրանքների մեծ մասից 2025 թվականի կեսերին: