«Չիտայում ընթացող միջազգային մրցաշարում առաջին ոսկե մեդալն ունենք»․ Հայաստանի բռնցքամարտի ֆեդերացիա

Ռուսաստանի Չիտա քաղաքում ընթացող Dauria Cup միջազգային մրցաշարի եզրափակչում առաջին ոսկե մեդալն ունենք։
54 կգ քաշային Վաղարշակ Քեյանը գեղեցիկ հաղթանակ տոնեց Ռուսաստանը ներկայացնող Արսեն Ժիլիլիտցովի նկատմամբ ու դարձավ մրցաշարի հաղթող։ Այսօր ոսկե մեդալի համար կպայքարի նաև գերծանր քաշային Տիգրան Խաչատրյանը։ Եվս 8 մարզիկ՝ 48 կգ Էրիկ Սեմերջյանը, 51 կգ Վահրամ Դովլաթբեկյանը, 63 կգ Անդրանիկ Մարտիրոսյանը, 67 կգ Արգիշտի Հակոբյանը, 80 կգ Ալբերտ Հարությունյանը և 92 կգ Սարգիս Անդրեասյանը հայրենիք կվերադառնան բրոնզե մեդալով։