Չարլի Քըրքի սպանության համար կասկածվող Թայլեր Ռոբինսոնը չի ընդունում իր մեղքը

Ամերիկացի պահպանողական ակտիվիստ Չարլի Քըրքի սպանության համար կասկածվող Թայլեր Ռոբինսոնը չի ընդունում իր մեղքը։ Նա նաև հրաժարվում է համագործակցել հետաքննության հետ։ Այս մասին հայտարարել է Յութայի ​​նահանգապետ Սփենսեր Քոքսը։

«Բայց նրա շուրջ բոլորը համագործակցում են»,- ABC News-ի եթերում ասել է Քոքսը՝ նշելով, որ կասկածյալի սենյակակիցն, ով տրանսգենդեր է, նույնպես համագործակցում է քննության հետ։

22-ամյա Թայլեր Ռոբինսոնը կալանքի տակ է։ Նա ձերբակալվել է սեպտեմբերի 11-ի երեկոյան, իշխանություններին է հանձնվել իր իսկ հոր կողմից, որին որդին խոստովանել է հանցագնքը։ Քոքսի խոսքով՝ կասկածյալին մեղադրանք կառաջադրվի սեպտեմբերի 16-ին։

31-ամյա Քըրքը կրակոց է ստացել սեպտեմբերի 10-ին՝ Օրեմի համալսարանում իր ելույթի ժամանակ։ Նա մահացել է հիվանդանոցում՝ ստացած վերքից։ Պահպանողական հայացքներ ունեցող ակտիվիստը ԱՄՆ նախագահ Դոնալդ Թրամփի կողմնակիցն էր։ Հուղարկավորությունը կկայանա սեպտեմբերի 21-ին Արիզոնայում՝ ԱՄՆ նախագահի մասնակցությամբ։