Բրյուսելում կրակ են բացել լեհ պատգամավորի մեքենայի վրա

Բրյուսելում կրակոցներ են արձակվել «Իրավունք և արդարություն» ազգային-պահպանողական կուսակցությունը ներկայացնող լեհ պատգամավոր Վալդեմար Բուդայի մեքենայի վրա, այս մասին քաղաքական գործիչը հայտնել է X սոցիալական ցանցում։

«Ես հարձակման պահին այնտեղ չեմ եղել, բայց միակ մեքենան, որի վրա կրակ են արձակել, իմն է եղել», - գրել է Բուդան։

Նա մանրամասնել է, որ արձակվել է «ինը ճշգրիտ կրակոց» և նշել, որ միջադեպը համարում է պլանավորված գործողություն, որն արդեն հետաքննվում է բելգիական հատուկ ծառայությունների կողմից: