Անթալիայի օդանավակայանի զուգարանում նորածնին լքած ռուս կնոջը զրկել են մայրական իրավունքից

Մոսկվայի մարզի Պավլովսկի Պոսադի դատարանը դադարեցրել է ռուս կնոջ՝ Եկատերինա Բուրնաշկինայի ծնողական իրավունքները, որը ծննդաբերությունից անմիջապես հետո լքել էր իր նորածին դստերը Թուրքիայի Անթալիայի օդանավակայանի զուգարանում։

Նա ձերբակալվել է 2024 թվականի հոկտեմբերի 13-ին Անթալիայում։ Այնտեղ նա ծննդաբերել է իր երեխային օդանավակայանի տարածքում, լքել նրան շենքում, ապա պատրաստվել է թռչել Ռուսաստան։ Փետրվարին Անթալիայի քրեական դատարանը նրան դատապարտել է 15 տարվա ազատազրկման։ Նրա պաշտպանությունը վերաքննիչ բողոք է ներկայացրել, որից հետո դատարանը հուլիսի 9-ին նրան ազատ է արձակել կալանքից։ Էլեկտրոստալում նրա դեմ քրեական գործ է հարուցվել նորածնի սպանության փորձի հոդվածով (ՌԴ Քրեական օրենսգրքի 30-րդ հոդվածի 3-րդ մաս, 106-րդ հոդված)։ Երեխան մնում է Մոսկվայի մարզի խնամատար ընտանիքում։