Իրանը Ռուսաստանին է հանձնել 34 կիլոմետր հողատարածք՝ երկաթուղու կառուցման համար

477

Շաբաթ, 27 սեպտեմբերի, 2025 թ., 18:44

Իրանը Ռուսաստանին է հանձնել մոտավորապես 34 կիլոմետր հողատարածք, որը հատկացվել էր Հյուսիս-Հարավ միջազգային տրանսպորտային միջանցքի (INSTC) համար նախատեսված Ռեշտ-Աստարա երկաթուղու կառուցման համար, հայտարարել է Իրանի ճանապարհների և քաղաքաշինության նախարար Ֆարզանե Սադեկը։

«Մոտ 34 կիլոմետր հողատարածք է հանձնվել ռուսական ընկերությանը, որպեսզի նրանք կարողանան սկսել աշխատանքները», - նախարարի խոսքերն է մեջբերել SNN-ը:

Նրա խոսքով՝ մինչ օրս Ռեշտ-Աստարա երկաթուղու 162 կիլոմետրանոց հատվածի կառուցման համար գնվել է հողատարածքի մոտավորապես կեսը, և իրանական կողմն առաջարկում է ջանքեր գործադրել ամբողջ հողատարածքի գնումն ավարտելու համար մինչև իրանական օրացուցային տարվա վերջը (մինչև 2026 թվականի մարտի երրորդ տասնօրյակը):