Հռոմում ԵՄ-ի դեմ բազմամարդ երթ է տեղի ունեցել

Այսօր Հռոմի կենտրոնական փողոցներով տեղի է ունեցել Եվրոմիության քաղաքականության դեմ բողոքի երթ, հաղորդում է «ՌԻԱ Նովոստի»-ն։
«Ինքնիշխան և ժողովրդական ժողովրդավարություն» ընդդիմադիր ոչ խորհրդարանական կուսակցության կողմից կազմակերպված երթը մի քանի հազար մարդու է հավաքել Իտալիայի ազգային դրոշների ներքո։ Երթի գլխավորությամբ շարժման առաջնորդները պարզել են Եվրահանձնաժողովի նախագահ Ուրսուլա ֆոն դեր Լեյենի հրաժարականի կոչով պաստառ, որը դարձել է հանրահավաքի կարգախոսը։

«Մենք պահանջում ենք դուրս գալ Եվրամիությունից։ Դա միայն վնաս է պատճառել Իտալիային... Ձկնորսություն, գյուղատնտեսություն, էլեկտրաէներգիա, շրջակա միջավայր, ազատությունների սահմանափակումներ, իսկ հիմա՝ պատերազմ։ Մենք չենք ուզում վերազինում։ Եվրոմիությունը Իտալիայի խորթ մայրն է, և մենք պետք է հեռանանք դրանից», - երթի մեկնարկից առաջ լրագրողներին ասել է կուսակցության առաջնորդներից մեկը՝ Մարկո Ռիցոն։