Ֆրանսիայից Դուրովին խնդրել են արգելափակել մոլդովական որոշ թելեգրամյան ալիքներ

Ֆրանսիայում ձերբակալվելուց հետո Telegram-ի հիմնադիր Պավել Դուրովին խնդրել են օգնել Մոլդովային արգելափակել Telegram-ի որոշակի ալիքներ՝ այդ տարվա հոկտեմբերին կայանալիք նախագահական ընտրություններից առաջ։ Այս մասին հայտնել է գործարարը։

«Մոտ մեկ տարի առաջ, երբ ես Փարիզում էի, ֆրանսիական հետախուզական ծառայությունները միջնորդի միջոցով դիմել են ինձ՝ խնդրելով օգնել Մոլդովայի կառավարությանը արգելափակել Telegram-ի որոշակի ալիքներ՝ Մոլդովայի նախագահական ընտրություններից առաջ»։

Դուրովը հավելել է, որ ֆրանսիական (և մոլդովական) իշխանությունների կողմից նշված ալիքները վերանայելուց հետո մենք հայտնաբերել ենք մի քանիսը, որոնք հստակորեն խախտում էին մեր կանոնները և հեռացրել դրանք։

«Դրանից կարճ ժամանակ անց Telegram-ի թիմը ստացել է այսպես կոչված «խնդրահարույց» մոլդովական ալիքների երկրորդ ցուցակը։ Այս ալիքները գրեթե բոլորն օրինական էին և լիովին համապատասխանում էին մեր կանոններին։ Նրանց միակ ընդհանրությունը Ֆրանսիայի և Մոլդովայի կառավարությունների համար անընդունելի քաղաքական դիրքորոշումների արտահայտումն էր։ Մենք հրաժարվել ենք կատարել այս խնդրանքը»,- ասել է Դուրովը։