«Կալանավորված Գևորգ Հարությունյանն ասել է, որ իր արարքի դրդապատճառը վրեժխնդրությունն է եղել». Արթուր Պողոսյան

ՀՀ քննչական կոմիտեի նախագահ Արթուր Պողոսյանը «Հանրային ՀԸ» եթերում մանրամասներ ներկայացրեց Մերձավանում կատարված սպանություններից:
«Շուրջ 100 անձի նկատմամբ օպերատիվ-հետախուզական բազմաբնույթ միջոցառումներ են իրականացվել: Ստացանք տեղեկություններ, որ հանցանքը կատարած անձի օգտագործած ձեռնոցները, դիմակը հագուստները գտնվում են կոնկրետ վայրում, 2025-ի փետրվարին սպանվածի եղբոր տան չօգտագործվող շինության տարածքում: Խուզարկության միջնորդություններ ներկայացրեցինք և հայտնաբերեցինք կիսաայրված հագուստները, իրերը:

...Նախաքննական ցուցմունքում կալանավորված Գևորգ Հարությունյանն ասել է, որ իր արարքի դրդապատճառը վրեժխնդրությունն է եղել։ Ասել է, որ ինքը մտերիմ է եղել Գրիգոր և Նարեկ Օհանյանների հետ, իր կարծիքով, իր ընկերը մահացել է Վալոդյա Գրիգորյանի մտերիմների կողմից և այդ ամենի մեջ մեղադրում է Վալոդյա Գրիգորյանին։ Մեղադրյալը մեկ ամիս հետևել է, իմացել է՝ տան որ մասն է տեսագրվում։ Նարեկ Օհանյանը հրաժարվում է ցուցմունք տալ, նշում է՝ որևէ առնչություն չի ունեցել: Մենք իհարկե չենք բավարարվում անձի նախաքննական ցուցմունքներով»,- հավաստիացրել է Քնչական կոմիտեի նախագահը:
Առավել մանրամասն՝ հարցազրույցում: