Դավաճանության մեջ մեղադրվող ԱԳՆ աշխատակցի գործով նախաքննությունն ավարտվել է

Պետական դավաճանության մեջ մեղադրվող ԱԳՆ աշխատակից Աշխեն Առաքելյանի գործով նախաքննությունն ավարտվել է և ուղարկվել դատարան: Այս մասին լրատվամիջոցներին հայտնել են Քննչական կոմիտեից:

Հիշեցնենք՝ հունիսի 20-ին Ազգային անվտանգության ծառայությունից ստացված հաղորդման հիման վրա քրեական վարույթ է նախաձեռնվել ՀՀ արտաքին գործերի նախարարության աշխատակցի կողմից լրտեսության, օտարերկրյա պետության ներկայացուցչի համար պետական գաղտնիք պարունակող տեղեկությանը ծանոթանալու պայմաններ ստեղծելու, թշնամական գործունեություն իրականացնելու համար օգնություն ցույց տալու եղանակով պետական դավաճանություն կատարելու դեպքի վերաբերյալ: