Անկարայում Թուրքիայի և Սիրիայի պատվիրակությունները կքննարկեն անվտանգային հարցեր

Կիրակի օրն Անկարայում տեղի կունենա Թուրքիայի և Սիրիայի անվտանգության պատվիրակությունների հանդիպումը։ Այս մասին, «Ռիա նովոստի»-ի փոխանցմամբ՝ հայտարարել է Թուրքիայի արտաքին գործերի նախարարությունը։

«Անկարայում հոկտեմբերի 12-ին տեղի կունենա հանդիպում՝ նվիրված անվտանգության ոլորտում համագործակցության և Թուրքիայի ու Սիրիայի միջև ընթացիկ իրադարձությունների քննարկմանը»,- նշված է հաղորդագրության մեջ։

Հանդիպմանը կմասնակցեն Թուրքիայի արտգործնախարար Հաքան Ֆիդանը, պաշտպանության նախարար Յաշար Գյուլերը, ազգային հետախուզական կազմակերպության ղեկավար Իբրահիմ Քալընը, ինչպես նաև նրանց սիրիացի գործընկերները։