Ադրբեջանը նախատեսում է կրճատել պաշտպանության ծախսերը

Ադրբեջանի կառավարությունը մտադիր է մինչև 2030 թվականը պաշտպանության և ազգային անվտանգության բյուջետային ծախսերը կրճատել մինչև 7,969 միլիարդ մանաթի (4,69 միլիարդ դոլար), հայտնում են ադրբեջանական լրատվամիջոցները։
Ադրբեջանի ֆինանսների նախարարության կայքում հրապարակված միջնաժամկետ բյուջետային տվյալների համաձայն՝ 2026 թվականին այդ նպատակներով ծախսերը կանխատեսվում են 8,715 միլիարդ մանաթի (5,12 մլրդ դոլար) մակարդակում:
Այսպիսով, պաշտպանության և ազգային անվտանգության ծախսերը 2026-2029 թվականներին կկրճատվեն 8.6%-ով: 2026 թվականին պետական բյուջեի այս բաժինը կկազմի 20.9%, իսկ 2029 թվականին այն կնվազի մինչև 18.4%:
Ադրբեջանի պաշտպանության և ազգային անվտանգության 2025 թվականի բյուջեն կանխատեսվում է կազմել 8.396 միլիարդ մանաթ (4,94 մլրդ դոլար):