Պակիստանի վարչապետը պատրաստ է Աֆղանստանի հետ բանակցություններ սկսել

Պակիստանը պատրաստ է Աֆղանստանի հետ բանակցությունների, հայտարարել է Պակիստանի վարչապետ Շեհբազ Շարիֆը։
«Երեկ մենք որոշեցինք ժամանակավոր հրադադարի մասին 48 ժամով և հստակեցրինք, որ եթե նրանք ցանկանում են կատարել մեր ողջամիտ պահանջները բանակցությունների միջոցով, ապա մենք պատրաստ ենք։ Գնդակը նրանց դաշտում է», - «Դոն»-ը մեջբերել է վարչապետի խոսքերը կառավարության նիստում։
Պակիստանի և Աֆղանստանի միջև բախումները սկսվել են հոկտեմբերի 15-ի գիշերը՝ տեղական ժամանակով մոտավորապես ժամը 2:00-ին՝ սրվելով ամբողջ Դուրանդ գծի երկայնքով՝ երկու երկրների միջև սահմանին, որը Քաբուլը չի ​​ճանաչում։ Ավելի ուշ, Պակիստանի բանակը հարվածներ է հասցրել Աֆղանստանի ներսում գտնվող ահաբեկիչների դիրքերին՝ ի պատասխան Խայբեր-Պախտունխվա հյուսիսարևմտյան նահանգի Կուրրամ գործակալության անցակետերի վրա հարձակման։ Պակիստանի արտաքին գործերի նախարարությունը չորեքշաբթի օրը հայտարարել է, որ համաձայնության է եկել Աֆղանստանի հետ ժամանակավոր հրադադարի վերաբերյալ՝ հաջորդ 48 ժամվա ընթացքում՝ երկու երկրների միջև վերջերս տեղի ունեցած սահմանային բախումներից հետո։