2 տարեկան Դավիդը՝ «Դյուցազնագրքի» ռեկորդակիր

8287

Ուրբաթ, 17 հոկտեմբերի, 2025 թ., 13:18

2 տարեկան Դավիդ Գասպարյանը «Դյուցազնագիրք»-ում ռեկորդ է սահմանել։ Փոքրիկ դյուցազնը հրել և քաշել է մոտ 210 կիլոգրամ կշռող կցորդիչը։ «Դավիդս 13 կիլոգրամ է կշռում և 210 կգ-անոց կցորդը նրա համար բավականին լուջ քաշ է։ Ամենօրյա զբոսանքի ժամանակ բալիկս ուշադրություն էր դարձնում կցորդին, մոտենում էր, քաշում, հրում, ու որոշեցի, որ պետք է նկարենք։ Նկարեցինք, տեսանք, որ բավականին հեշտ է քաշում ու հրում։ Մենք դիմեցինք «Դյուցազնագիրք» դյուցազունների ասեցիացիա, և սա եղավ որդուս 2-րդ ռեկորդը»,- «Նյուզ»-ի հետ զրույցում ասել է փոքրիկ դյուցազնի մայրը՝ Ռիմա Կարապետյանը։

Ինչպես նշել է փոքրիկի մայրը, Դավիդը դեռ 11 ամսականում կարողացել էր ձեռքերով հրել 60 կգ կշռող իր մանկական ավտոմեքենան՝ անցնելով 17 մետր 30 սմ տարածք, որը եղել է նրա առաջին նվաճումը։