Կիրակի, 19 հոկտեմբերի, 2025 թ.
|
Ստեփանակերտում`   +14 °C

Ռոման Երիցյանը ևս գործադուլ է հայտարարել

Ռոման Երիցյանը ևս գործադուլ է հայտարարել
396
Ուրբաթ, 17 հոկտեմբերի, 2025 թ., 17:06

Փաստաբան Ռոման Երիցյանը ֆեյսբուքյան իր էջում գրում է․ «Ալեքսանդր Կոչուբաևի ապօրինի կալանքի պատասխան քայլերից մեկը լինելու է նաև իմ գործադուլը՝ անորոշ ժամկետով։
Լիովին գիտակցում եմ, որ այս որոշումը կարող է որոշակի անհարմարություններ պատճառել իմ վստահորդներին, և հայցում եմ բոլորի ներողամտությունը։ Սակայն Կոչուբաևի հետ տեղի ունեցածն արշավ է ոչ միայն փաստաբանական համայնքի, այլև ձեր բոլորի նկատմամբ։
Կրկնում եմ՝ իշխանությունը փաստացի արժեզրկել է փաստաբանի դերը։ Ուստի ավելի լավ է պայքարել և դիմանալ այս փորձությանը, քան թույլ տալ անդառնալի հետևանքներ։
Հետգրառում։ Այսօր 4 դատական նիստերին մասնակցելուց արդեն հրաժարվել եմ։ Շնորհակալ եմ բոլոր այն դատավորներին, ովքեր ըմբռնումով մոտեցան այս հարցին»։

Ավելի վաղ հայտնել էինք փաստաբան Էրիկ Ալեքսանյանի գործադուլի մասին։

Աղբյուրը`   Ռոման Երիցյան