«Թրամփ-Պուտին հանդիպումը հույսերն ամրապնդում է»․ Մերց

Գերմանիայի կանցլեր Ֆրիդրիխ Մերցը հայտարարել է, որ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Բուդապեշտում կայանալիք հանդիպումը «ավելի է ամրապնդում հույսը» հակամարտության ավարտի վերաբերյալ: Նա այս հայտարարությունն արել է Frankfurter Allgemeine Zeitung-ին տված հարցազրույցում։

«Նախագահ Թրամփը գիտակցում է իր պատասխանատվությունը: Նա նաև գիտակցում է իր համար առկա հնարավորությունները: Եթե Գազայում պատերազմը դադարեցնելու 20 կետանոց ծրագիրը պետք է դառնա այս նախագահության հաջողության մոդել, ապա նա կշարունակի ուշադրություն դարձնել Ուկրաինային և կձգտի դադարեցնել պատերազմը», - ասել է Մերցը։

Հիշեցնենք՝ հոկտեմբերի 16-ին Թրամփը հեռախոսազրույց է ունեցել Պուտինի հետ: Զրույցի ընթացքում նրանք համաձայնվել են անձնական հանդիպման Բուդապեշտում: Հունգարիայի վարչապետ Վիկտոր Օրբանը վստահեցրել է, որ բանակցությունները կլինեն «հուսալի և անվտանգ»: