Իրակլի Ղարիբաշվիլիին մեղադրանք է առաջադրվել

Վրաստանի նախկին վարչապետ Իրակլի Ղարիբաշվիլիին մեղադրանք է առաջադրվել: Նա ընդունել է իր մեղքը ներկայացված մեղադրանքների վերաբերյալ։

Դատախազությունը միջնորդություն է ներկայացրել դատարանին՝ մեղադրյալի նկատմամբ որպես խափանման միջոց ընտրել 1 միլիոն լարի (368,425.30դոլար) գրավը, որը կարող է վճարվել ինչպես դրամական միջոցներով, այնպես էլ անշարժ գույքով:

Նշվում է, որ իր գործունեության ընթացքում Ղարիբաշվիլին «գաղտնի և ակտիվորեն զբաղվել է տարբեր տեսակի ձեռնարկատիրական գործունեությամբ՝ իր հայտարարագրերում կեղծ տվյալներ ներկայացնելով, պնդելով, թե ընտանիքի անդամից որպես նվեր մեծ գումարներ է ստացել»։

Հիշեցնենք, որ նրա բնակարանի խուզարկության ժամանակ առգրավվել էր մոտ 6,5 միլիոն դոլար, թանկարժեք ժամացույցների հավաքածու և այլ թանկարժեք իրեր։