Արթուր Դավթյանն ու Մամիկոն Խաչատրյանն աշխարհի առաջնությանը նվաճեցին արծաթե մեդալներ

Նախօրեին սպորտային մարմնամարզության Հայաստանի տղամարդկանց ազգային հավաքականի ներկայացուցիչ Մամիկոն Խաչատրյանը, որը նոր է սկսում դեպի մեծ սպորտի գագաթներ իր ճանապարհը, նժույգ-թափերում արծաթե մեդալ էր նվաճել Ինդոնեզիայի մայրաքաղաք Ջակարտայում անցկացվող աշխարհի առաջնությունում:

Այսօր Հայաստանի հաշվարկին գրանցվել է աշխարհի առաջնության երկրորդ արծաթե մեդալը: Այն հենացատկ մրցաձևում նվաճել է փորձառու Արթուր Դավթյանը:

Հայաստանի ազգային հավաքականը երկու արծաթե մեդալով տուն վերադառնալու է հոկտեմբերի 27-ին: