Չորեքշաբթի, 23 սեպտեմբերի, 2026 թ.
|
Ստեփանակերտում`   +18 °C

«Հրադադարի ծրագիրը պատրաստ կլինի 7-10 օրում, բայց Պուտինը դժվար թե ընդունի այն»․ Զելենսկի

«Հրադադարի ծրագիրը պատրաստ կլինի 7-10 օրում, բայց Պուտինը դժվար թե ընդունի այն»․ Զելենսկի
1058
Երկուշաբթի, 27 հոկտեմբերի, 2025 թ., 18:34

Ուկրաինայի նախագահ Վոլոդիմիր Զելենսկին կարծում է՝ քիչ հավանական է, որ Ռուսաստանի նախագահ Վլադիմիր Պուտինը ընդունի «Վճռականների կոալիցիայի» առաջարկած խաղաղության պլանը, հաղորդում է «ՌԲԿ-Ուկրաինա»-ն։

Զելենսկու խոսքով՝ ծրագիրը պետք է լինի կարճ և չպարունակի չափազանց շատ մանրամասներ։ «Օրինակ՝ ծրագիր կրակի դադարեցման մասին։ Մենք որոշեցինք, որ առաջիկա մեկ շաբաթվա կամ տասն օրվա ընթացքում կաշխատենք դրա վրա»,- նշել է նա և հավելել, որ կասկածանքով է վերաբերվում Պուտինի կողմից ցանկացած խաղաղության ծրագիր ընդունելու պատրաստակամությանը։

Անցած շաբաթ Մեծ Բրիտանիայի վարչապետ Քիր Սթարմերը հայտարարել էր, որ «Վճռականների կոալիցիան» Ուկրաինայի համար մշակել է խաղաղության պլան մինչև 2025 թվականի ավարտը։

Այդ ժամանակ Վլադիմիր Զելենսկին նշել էր, որ Պուտինին հաղթելու և Ուկրաինայում պատերազմը ավարտելու համար ԱՄՆ-ն և «Վճռականների կոալիցիան» պետք է գործեն միասին։

Կարդացե՛ք նաև