«Ազատ Ասիա» ռադիոկայանը դադարեցնում է գործունեությունը ԱՄՆ-ի կառավարության շաթդաունի պատճառով

Ամերիկյան կառավարության կողմից ֆինանսավորվող «Ազատ Ասիա» ռադիոկայանը 1996 թվականին հիմնադրվելուց ի վեր առաջին անգամ ուրբաթ օրը կդադարեցնի գործունեությունը, հաղորդում է New York Times-ը։
«Ազատ Ասիա» ռադիոկայանը վերահսկվում է ԱՄՆ-ի Գլոբալ լրատվամիջոցների գործակալության (USAGM) կողմից, ինչպես «Ազատ Եվրոպա/Ազատություն» ռադիոկայանը և «Ամերիկայի ձայնը»: Ըստ New York Times-ի՝ հոկտեմբերի 31-ին կազմակերպությունը կազատի իր մնացած տասնյակ լրագրողների և կփակի իր տարածաշրջանային գրասենյակները այնպիսի քաղաքներում, ինչպիսիք են Սեուլը, Ստամբուլը և Բանգկոկը։
ԱՄՆ դաշնային կառավարությունը դադարեցրել է գործունեությունը հոկտեմբերի 1-ին, այն բանից հետո, երբ Քոնգրեսը չի կարողացել համաձայնության գալ կառավարության ծախսերի օրինագծի շուրջ: Քոնգրեսի բյուջետային գրասենյակը գնահատում է, որ փակման յուրաքանչյուր օր մոտ 750,000 դաշնային աշխատակից կարող է հարկադիր արձակուրդի ուղարկվել: Այս աշխատողները չեն ստանա աշխատավարձ, մինչև շաթդաունի ավարտից հետո չվերադառնան աշխատանքի։
«Նյու Յորք Թայմս»-ի տվյալներով՝ ռադիոկայանի փակումը կարող է պայմանավորված լինել Թրամփի վարչակազմի կողմից պետական ​​ծախսերը կրճատելու փորձերով։