Լուվրը կողոպտելու կասկածանքով ձերբակալված հինգ անձանցից մեկն ազատ է արձակվել

Լուվրի կողոպուտի գործով ձերբակալված հինգ կասկածյալներից մեկն ազատ է արձակվել առանց մեղադրանքի, հաղորդել է «Ֆրանս Պրեսս» գործակալությունը՝ հղում անելով կասկածյալի փաստաբաններին։
Հոկտեմբերի 26-ին Փարիզի դատախազությունը հայտարարել էր երկու կասկածյալների ձերբակալության մասին։ Դրանից հետո, հոկտեմբերի 30-ին, Փարիզի դատախազ Լոր Բեկոն հայտարարել էր Փարիզում և հարակից արվարձաններում կողոպուտների գործով ևս հինգ կասկածյալների ձերբակալության մասին։ Ոստիկանությունը ձերբակալվածների մոտ թանգարանից գողացված զարդեր չի հայտնաբերել։

«Չորեքշաբթի օրը Լուվրի թանգարանի կողոպուտի գործով ձերբակալված հինգ կասկածյալներից մեկն ազատ է արձակվել առանց մեղադրանքի»,- հաղորդել է գործակալությունը։