Անջելինա Ջոլին կրկին Ուկրաինայում է

Հոլիվուդյան դերասանուհի Անջելինա Ջոլին նոյեմբերի 5-ին, ժամանել է Խերսոն՝ մարդասիրական առաքելությամբ, հաղորդել է РБК-ն՝ հղում անելով ուկրաինական լրատվամիջոցներին։

Որպես UNICEF-ի (ՄԱԿ-ի մանկական հիմնադրամ) բարի կամքի դեսպան՝ Ջոլին քաղաք է մեկնել բարեգործական ծրագրի շրջանակներում և այցելել մի քանի բժշկական հաստատություններ։ Լուսանկարներն ու տեսանյութերը տարածվել են Telegram ալիքներում։ Կադրերում դերասանուհին կրում է Ուկրաինայի դրոշով զրահաբաճկոն։

Նաև հաղորդվում է, որ Խերսոն գնալու ճանապարհին, մասնավորապես՝ Նիկոլաևի մարզի Պիվդեննուկրայնսկ քաղաքի մուտքի մոտ գտնվող անցակետում, Անջելինա Ջոլիի անվտանգության աշխատակցին ասել են, որ նա խնդիրներ ունի իր փաստաթղթերի հետ և տարել են Տարածքային հավաքագրման և սոցիալական աջակցության կենտրոն։ Դերասանուհին գնացել է պահակի հետ՝ նրան ազատ արձակելու համար։

Մեկ այլ աղբյուրներ պնդում են, որ Ջոլիի անվտանգության աշխատակցին բռնի ուժով չեն ձերբակալել, այլ խնդրել են գնալ առևտրի կենտրոն՝ իր ինքնությունը պարզելու համար, որից հետո նրան ազատ են արձակել։

Անջելինա Ջոլին նախկինում այցելել էր Ուկրաինա 2022 թվականի գարնանը։ Այնուհետև նա այցելել էր Լվով, որտեղ զրուցել էր փախստականների, կամավորների և բժիշկների հետ։