Սինգապուրում առցանց խարդախներին կմտրակահարեն

Սինգապուրի խորհրդարանը հաստատել է Քրեական օրենսգրքում փոփոխություններ կատարելու նախագիծը, որով մտցվում է մտրակի հարվածը՝ որպես պատիժ առցանց խարդախության համար, գրում է The Washington Post-ը։

Հրապարակման համաձայն՝ 2025 թվականի առաջին կեսին Սինգապուրում գրանցվել են առցանց խարդախության տասնյակհազարավոր դեպքեր։ Այս խարդախությունների պատճառած ընդհանուր վնասը կազմել է 385 միլիոն դոլար։

Արտաքին գործերի և ներքին գործերի նախարար Սիմ Աննը բացատրել է, որ նվազագույն պատիժը վեց մտրակի հարված է, իսկ որոշ դեպքերում այդ թիվը կարող է հասնել 24-ի։ Նոր կանոնները տարածվում են ոչ միայն խարդախների, այլև սինդիկատների անդամների և հավաքագրողների վրա, եթե մեղավոր ճանաչվեն։