«Եկեղեցու կանոնագիրքը ՀՀ սահմանադրությունից ավելի արդյունավետ է գործում». Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան էջում գրում է. «Եկեղեցու կանոնագիրքը ՀՀ սահմանադրությունից ավելի արդյունավետ է գործում, իսկ կարգապահական հանձնաժողովը՝ արդարադատության ողջ համակարգից։
Կարգալույծ է հռչակվել խոպանագետ Տարոնը, որը ևս Ստյոպայի նման վերջին շրջանում շեղվել էր ճշմարիտ հավատից և զբաղվում էր «գրդոնչիությամբ»՝ Մայր եկեղեցուց օրը ցերեկով հավատացյալներ հափշտակելով, բավականին քստմնելի և դատապարտելի արարք։
Այսուհետև աշխարհական Վարդան Հունանյանը կարող է շարունակել ծառայել հանրությանը ո՛չ թե որպես հոգևոր սպասավոր, այլ վարորդ՝ հիշելով մեկընդմիշտ, որ թե՛ արտերկրում և թե՛ Հայրենի հողում, երթևեկության կանոնները՝ ինչպես Տիրոջ պատվիրանները, պետք է սրբորեն պահել և ազգային-հոգևոր արժեքները վրաերթի չենթարկել»։