«ՌԴ-ն, ԱՄՆ-ն և Չինաստանը կարող են համաձայնության գալ միջուկային զենքի կրճատման շուրջ». Թրամփ

ԱՄՆ նախագահ Դոնալդ Թրամփը հայտարարել է, որ Մոսկվան, Վաշինգթոնը և Պեկինը կարող են համաձայնության գալ միջուկային զենքի կրճատման վերաբերյալ։ Նա հավելել է, որ այս հարցը քննարկել է Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի հետ։

«Կարծում եմ՝ ապամիջուկայնացումը հիանալի բան կլիներ։ Բոլորը կնախընտրեին այդ ամբողջ գումարը ծախսել ինչ-որ այլ բանի վրա, ինչն իրականում օգուտ է բերում մարդկանց»,- ասել է Դոնալդ Թրամփը՝ Կենտրոնական Ասիայի երկրների նախագահների հետ հանդիպման ժամանակ։

Ավելի վաղ Դոնալդ Թրամփը հայտարարել էր միջուկային փորձարկումների վերսկսման մասին՝ «հավասար հիմունքներով»: