Գերմանական դատարանը ChatGPT-ին մեղավոր է ճանաչել
 1447 Երեքշաբթի, 11 նոյեմբերի, 2025 թ., 22:51 Մյունխենի դատարանը ChatGPT-ին մեղավոր է ճանաչել հեղինակային իրավունքի խախտման համար։ Երաժիշտների տեքստերն օգտագործվել են չաթբոտին առանց թույլտվության մարզելու համար, հաղորդում է Reuters-ը։ Դատարանը պաշտպանել է գերմանական երաժշտական հեղինակային իրավունքի պաշտպանության GEMA կազմակերպության դիրքորոշումը, որը մեղադրել է մշակողին աշխատանքներն առանց թույլտվության օգտագործելու համար։ Կազմակերպությունը 2024 թվականի նոյեմբերին դատական հայց էր ներկայացրել OpenAI-ի դեմ։ Դատական հայցը կենտրոնացած էր գերմանական 9 հայտնի հիթերի վրա։ Դրանց թվում են Հերբերտ Գրյոնեմեյերի 1984 թվականի «Männer» ստեղծագործությունը և Հելենե Ֆիշերի «Atemlos Durch die Nacht» երգը, որը դարձել էր գերմանացի երկրպագուների ոչ պաշտոնական հիմնը 2014 թվականի ՖԻՖԱ-ի աշխարհի առաջնությունում։ Դատարանը պարտավորեցրել է OpenAI-ին փոխհատուցում վճարել հեղինակային իրավունքով պաշտպանված նյութերի անօրինական օգտագործման համար։ GEMA-ի իրավաբանական խորհրդատու Կայ Վելպը նշել է, որ կազմակերպությունը նախատեսում է ընկերության հետ բանակցել հեղինակային իրավունքի տերերի համար փոխհատուցման մեխանիզմի շուրջ։ OpenAI-ը դատարանում պնդել է, որ իր լեզվական մոդելները մշակում են ամբողջական մարզման տվյալների հավաքածուներ՝ առանց որոշակի երգեր պահելու կամ պատճենելու։ Ընկերությունը նաև պնդել է, որ չաթբոտին հարցումներ ուղարկող օգտատերերը պետք է կրեն իրավական պատասխանատվություն, սակայն դատարանը մերժել է այդ փաստարկները։ GEMA-ի գործադիր տնօրեն Տոբիաս Հոլցմյուլլերը որոշումը համարել է ապացույց, որ «ինտերնետն ինքնասպասարկման խանութ չէ, և մարդկային ստեղծագործական նվաճումները անվճար ձևանմուշներ չեն»։ OpenAI-ը համաձայն չէ որոշման հետ։ Ընկերությունը շեշտեց, որ որոշումը վերաբերում է տեքստերի սահմանափակ շրջանակին և չի ազդում իր տեխնոլոգիայի միլիոնավոր օգտատերերի վրա Գերմանիայում։ Մշակողը նաև նշել է, որ հարգում է ստեղծագործողների իրավունքները և բանակցություններ է վարում աշխարհի տարբեր կազմակերպությունների հետ։ OpenAI-ը նախատեսում է բողոքարկել վճիռը։ Ընկերությունը նախկինում ԱՄՆ-ում դատական հայցեր է ներկայացրել հեղինակների և մեդիա խմբերի կողմից նմանատիպ մեղադրանքների վերաբերյալ։ |
«Հեզբոլլահը» հրթիռ է արձակել բրիտանական ռազմանավի ուղղությամբ՝ այն շփոթելով իսրայելական նավի հետ
4922:27
ԻՀՊԿ-ն հայտնել է Բահրեյնի, Քուվեյթի, ԱՄԷ-ի և Հայֆայի օբյեկտներին հարվածելու մասին
13621:48
«Զորի Բալայանի անունն անխզելիորեն կապված է հայ ժողովրդի նորագույն պատմության հետ». Ռոբերտ Քոչարյան
12821:18
Իսրայելական կործանիչները հարվածել են Բեյրութի խիտ բնակեցված թաղամասին (տեսանյութ)
17521:00
«Այսօր Դավիթի ինքնազգացողությունն ավելի վատ էր». Լուսինե Մարտիրոսյան
15220:42
«Հարությունը հիշեցնում է՝ եթե ինչ-որ բան ճիշտ է ու արժեք ունի, նրա պարտությունը վերջնական չէ». Դավիթ Սանասարյան
17619:48
«Նայեք՝ քաղաքական ուժերից ով ի՞նչ է արել, մասնավորապես, վերջին ընտրություններից հետո». Արա Պապյան
14719:00
«Գիտենք, թե ով է Սամվել Կարապետյանը, բայց երբ տեղին և անտեղին կրկնում եք՝ հակառակ էֆեկտ է ունենում». Մհեր Մկրտչյան
31218:06