«Վաղվա պատերազմը կսկսվի տիեզերքում»․ Մակրոն

Ֆրանսիան առաջիկա տարիներին կավելացնի իր պաշտպանական ծախսերը տիեզերքում՝ հատկացնելով լրացուցիչ 4.2 միլիարդ եվրո։ Այս մասին հայտարարել է նախագահ Էմանուել Մակրոնը Թուլուզի տիեզերագնացության և ավիացիայի կենտրոնում:

Մակրոնի խոսքով՝ ժամանակակից հակամարտություններն արդեն մղվում են տիեզերքում, «և հենց այնտեղ էլ կսկսվի վաղվա պատերազմը»։ «Տիեզերքն այլևս ապաստարան չէ, այն վերածվել է մարտադաշտի», - ասել է նա։

Ֆրանսիայի ղեկավարը հայտարարել է, որ Ուկրաինայի հետ լայնածավալ հակամարտության սկսվելուց ի վեր Ռուսաստանը «լրտեսական» գործունեություն է ծավալում տիեզերքում, վերահսկում է ֆրանսիական արբանյակները և քննարկում է տիեզերքում միջուկային զենք տեղակայելու հնարավորությունը, «որի հետևանքները աղետալի կլինեն ամբողջ աշխարհի համար»։