Հինգշաբթի, 16 հուլիսի, 2026 թ.
|
Ստեփանակերտում`   +27 °C

Իրանը կոչ է արել ՄԱԿ-ին՝ պատասխանատվության ենթարկել ԱՄՆ-ին և Իսրայելին

Իրանը կոչ է արել ՄԱԿ-ին՝ պատասխանատվության ենթարկել ԱՄՆ-ին և Իսրայելին
963
Ուրբաթ, 14 նոյեմբերի, 2025 թ., 10:59

Իրանի արտաքին գործերի նախարար Աբբաս Արաղչին նամակ է հղել ՄԱԿ-ի գլխավոր քարտուղար Անտոնիո Գուտերեշին և ՄԱԿ-ի Անվտանգության խորհրդի նախագահին՝ պահանջելով պատասխանատվության ենթարկել ԱՄՆ-ին և Իսրայելին՝ Իրանի Իսլամական Հանրապետության դեմ նրանց ագրեսիվ գործողությունների համար։

Արաղչիի նամակում մեջբերվում է ԱՄՆ նախագահի խոսքերը, որոնք հնչել են 2025 թվականի նոյեմբերի 6-ին. «Իսրայելը առաջինը հարձակվեց (Իրանի վրա – խմբ․)։ Այս հարձակումը շատ, շատ հզոր էր։ Ես դրա համար լիակատար պատասխանատվություն եմ կրում»։

Իրանցի նախարարը նշել է, որ այս խոսքերը «ԱՄՆ-ի ղեկավարության և այդ անօրինական գործողությունների նկատմամբ վերահսկողության հստակ ապացույց են»։