«Արևմուտքում 80 և Արևելքում 35 տարի գոյություն ունեցող աշխարհակարգն ավարտվել է». Ֆրիդրիխ Մերց

Մերցը հայտարարեց հին աշխարհակարգի ավարտի մասին։
Արևմուտքում 80 և Արևելքում 35 տարի գոյություն ունեցող աշխարհակարգն ավարտվել է, հայտարարել է Գերմանիայի կանցլեր Ֆրիդրիխ Մերցը։

«Եթե մենք ցանկանում ենք ձևավորել նոր աշխարհակարգ, դա հնարավոր է միայն մեր եվրոպացի հարևանների հետ միասին»,- հայտարարել է Մերցը գերմանական «Զյուդդոյչե Ցայթունգ» թերթի կողմից կազմակերպված տնտեսական համաժողովում։

Գերմանիայի կառավարության առջև ծառացած մարտահրավերները ներկայումս չափազանց բազմազան են՝ հավանաբար աննախադեպ երկրի հետպատերազմյան պատմության մեջ, նշել է կանցլերը։ Նոր մարտահրավերների շարքում նա ընդգծել է Ռուսաստան-Ուկրաինա պատերազմը, Գերմանիայի հարաբերությունները Չինաստանի հետ և առևտրային անհամաձայնությունները Միացյալ Նահանգների հետ։ Մերցը նաև հայտարարել է, որ «Ատլանտիկայում խորը ճեղք է առաջացել, որը շատ բան է կասկածի տակ դնում»։