Առնվազն 46 տուժած, այդ թվում՝ երեխաներ. իրավիճակը՝ Խարկովում

1278

Չորեքշաբթի, 19 նոյեմբերի, 2025 թ., 13:21

Խարկովում նոյեմբերի 19-ի գիշերը ռուսական հարձակումից հետո տուժել է 46 մարդ։ Այս մասին հաղորդում է ՌԲԿ-Ուկրաինա-ն՝ հղում կատարելով Խարկովի ռազմական վարչակազմի ղեկավար Օլեգ Սինեգուբովին։

Սինեգուբովի խոսքով՝ ռուսները գիշերը հարձակվել են Խարկովի Սլոբիդսկի և Օսնովյանսկի շրջանների վրա՝ օգտագործելով անօդաչու թռչող սարքեր։ Հարվածների հետևանքով վիրավորների թիվն առավոտյան հասել է 46-ի, այդ թվում՝ երկու երեխա՝ 9 և 13 տարեկան։

Հարձակման հետևանքով վնասվել են նաև տասից ավելի բնակելի շենքեր, դպրոց, ավտոտնակներ, տասնյակ մեքենաներ և այլ ոչ ռազմական օբյեկտներ։