Երեքշաբթի, 10 մարտի, 2026 թ.
|
Ստեփանակերտում`   +1 °C

«Թրամփը հավանություն է տվել Ուկրաինայի հարցով խաղաղության նոր ծրագրին». #NBC

«Թրամփը հավանություն է տվել Ուկրաինայի հարցով խաղաղության նոր ծրագրին». #NBC
1680
Հինգշաբթի, 20 նոյեմբերի, 2025 թ., 15:41

ԱՄՆ նախագահ Դոնալդ Թրամփն այս շաբաթ հավանություն է տվել Ռուսաստանի և Ուկրաինայի միջև խաղաղության 28 կետանոց ծրագրին, որը վարչակազմի բարձրաստիճան պաշտոնյաները մշակել են վերջին մի քանի շաբաթների ընթացքում՝ Ռուսաստանի հատուկ ներկայացուցիչ Կիրիլ Դմիտրիևի և ուկրաինացի պաշտոնյաների հետ խորհրդակցելով։ Այս մասին հայտնում է NBC News-ը՝ հղում կատարելով վարչակազմի բարձրաստիճան պաշտոնյաին։
Պաշտոնյան նշել է, որ ծրագրի մշակմանը մասնակցել են Թրամփի հատուկ բանագնաց Սթիվ Ուիթքոֆը, փոխնախագահ Ջեյ Դի Վենսը, պետքարտուղար Մարկո Ռուբիոն և նախագահի փեսա Ջարեդ Քուշները։
«Ծրագիրը կենտրոնանում է երկու կողմերին անվտանգության երաշխիքներ տրամադրելու վրա՝ երկարատև խաղաղություն ապահովելու համար», - NBC News-ին ասել է բարձրաստիճան պաշտոնյան։ «Այն ներառում է այն, ինչ Ուկրաինան ցանկանում է և անհրաժեշտ է երկարատև խաղաղություն ունենալու համար»։