Ուրբաթ, 27 փետրվարի, 2026 թ.
|
Ստեփանակերտում`   +3 °C

«Թրամփի ծրագիրը կարող է հիմք դառնալ Ուկրաինայում հակամարտության կարգավորման համար». Պուտին

«Թրամփի ծրագիրը կարող է հիմք դառնալ Ուկրաինայում հակամարտության կարգավորման համար». Պուտին
648
Ուրբաթ, 21 նոյեմբերի, 2025 թ., 22:54

ԱՄՆ նախագահ Դոնալդ Թրամփի՝ Ուկրաինայի հակամարտության կարգավորման 28 կետից բաղկացած ծրագիրը արդիականացվել է, հայտարարել է Ռուսաստանի նախագահ Վլադիմիր Պուտինը։

«Ալյասկայում բանակցություններից հետո ամերիկյան կողմից որոշակի դադար եղավ։ Եվ մենք գիտենք, որ դա պայմանավորված է Ուկրաինայի կողմից նախագահ Թրամփի առաջարկած խաղաղության ծրագրի փաստացի մերժմամբ։ Ես կարծում եմ, որ հենց այդ պատճառով էլ հրապարակվեց նոր տարբերակը, ըստ էության՝ 28 կետից բաղկացած արդիականացված ծրագիր», - ասել է Պուտինը Ռուսաստանի Անվտանգության խորհրդի մշտական ​​անդամների հետ հանդիպման ժամանակ։

Պուտինը նշել է նաև, որ ԱՄՆ նախագահ Դոնալդ Թրամփի ծրագիրը կարող է հիմք հանդիսանալ Ուկրաինայի հարցի վերջնական կարգավորման համար:

«Ես կարծում եմ, որ այն կարող է նաև օգտագործվել որպես վերջնական խաղաղ կարգավորման հիմք», - ասել է նա