Օքսֆորդի բառարանը հայտնել է տարվա բառը

Օքսֆորդի բառարանը «rage bait» բառն ընտրել է՝ որպես 2025 թվականի տարվա բառ՝ ըստ Օքսֆորդի համալսարանի հրատարակչության կայքում տեղադրված հաղորդագրության։

Մասնագետները պաշտոնապես առաջարկել են այս բառը նկարագրելու համար միտումնավոր սադրիչ առցանց բովանդակությունը, որն օգտագործվում է որոշակի առցանց աղբյուրի ժողովրդականությունը բարձրացնելու համար։ Այն ծագում է անգլերեն «rage» (զայրութ, ցասում) և «bait» (խայծ, ծուղակ) բառերից։

Օքսֆորդի լեզվաբանների կարծիքով՝ «rage bait» բառի հաճախականությունը վերջին 12 ամիսների ընթացքում եռապատկվել է։ Տերմինն առաջին անգամ առաջարկվել է Usenet հարթակի 2002 թվականի գրառման մեջ՝ նկարագրելու վարորդի արձագանքը լուսարձակի թարթմանը՝ որպես ճանապարհը զիջելու ազդանշան: Այնուհետև բառը դարձել է ինտերնետային ժարգոնի մաս և սկսել է օգտագործվել վիրուսային գրառումների վերաբերյալ: Բառարանը նշում է, որ «ragebait»-ը հետագայում մտել է մեդիա ոլորտի մասնագետների և ստեղծագործողների բառապաշար: