«Պուտինը չի մերժել ԱՄՆ-ի խաղաղության ծրագիրը». Պեսկով

Ռուսաստանի նախագահի մամուլի քարտուղար Դմիտրի Պեսկովը սխալ է անվանել այն ձևակերպումը, թե Վլադիմիր Պուտինն ԱՄՆ նախագահի բանագնացներ Սթիվ Ուիթքոֆի և Ջարեդ Քուշների հետ հանդիպման ժամանակ մերժել է կարգավորման ամերիկյան ծրագիրը:

«Բանն այն է, որ մտքերի նման ուղիղ փոխանակում տեղի է ունեցել երեկ առաջին անգամ, և կրկին, ինչպես երեկ ասվեց, ինչ-որ բան ընդունվել է, ինչ-որ բան նշվել է որպես անընդունելի, և դա փոխզիջման որոնման նորմալ աշխատանքային գործընթաց է»,- հայտարարել է Պեսկովը:

Նա հավելել է, որ Կրեմլն ԱՄՆ-ի հետ բանակցություններում հավատարիմ կմնա «լռության սկզբունքին» և զերծ կմնա մանրամասն մեկնաբանություններից: