Աշխարհում դոլարային միլիարդատերերի թիվն աճել է

Շվեյցարական UBS բանկի կողմից անցկացված ուսումնասիրության համաձայն՝ 2025 թվականի ապրիլի դրությամբ աշխարհում դոլարային միլիարդատերերի թիվը նախորդ տարվա նույն ժամանակահատվածի համեմատ աճել է 287-ով։

Սա ամենամեծ աճն է ուսումնասիրության մեկնարկից ի վեր, բացառությամբ 2021 թվականի, երբ հայտնվել է 416 նոր միլիարդատեր։

Նշվում է, որ 91 մարդ ժառանգել է իր կարողությունը՝ ընդհանուր առմամբ 298 միլիարդ դոլար, ինչը նոր ռեկորդ է։ UBS-ի գնահատմամբ միլիարդատերերը հաջորդ 15 տարիների ընթացքում իրենց ժառանգներին կթողնեն առնվազն 5.9 տրիլիոն դոլար։

Աշխարհում կա 2919 միլիարդատեր (2545 տղամարդ և 374 կին)։ Նրանց ընդհանուր կարողությունը տարվա ընթացքում աճել է 13%-ով՝ հասնելով 15.8 տրիլիոն դոլարի։

ԱՄՆ-ում դոլարային միլիարդատերերի կարողությունը աճել է 18%-ով՝ հասնելով 6.9 տրիլիոն դոլարի։ Ամերիկացի միլիարդատերերի թիվը աճել է 89-ով՝ հասնելով 924-ի, կազմելով աշխարհում ընդհանուրի 31.7%-ը։ Ցանկում ավելացել է 109 նոր անուն, իսկ 18-ըդուրս եկել՝ մահվան կամ աղքատացման պատճառով։

Աշխարհում միլիարդատերերի կարողությամբ երկրորդ տեղում է Ասիա-խաղաղօվկիանոսյան տարածաշրջանը՝ 4.2 տրիլիոն դոլարով (աճը՝ 11.1%), մինչդեռ Եվրոպան, Մերձավոր Արևելքը և Աֆրիկան ​​երրորդ տեղում են՝ 4.1 տրիլիոն դոլարով (աճը՝ 10.4%)։