Թայլանդը հայտնել է Կամբոջայի հետ սահմանին բախումների մասին

Կամբոջան BM-21 հրթիռներով գնդակոծել է Թայլանդի տարածքը։ Այս մասին հտեղեկացրել է ցամաքային ուժերի երկրորդ ռազմական շրջանը։

Թայլանդի բանակն ավելի վաղ հայտնել էր, որ սահմանին տեղի ունեցած բախումների ժամանակ մեկ թայլանդցի զինվոր է զոհվել, ևս չորսը՝ վիրավորվել։ Բանակի տվյալներով՝ կամբոջական ուժերը կրակ են բացել թայլանդական դիրքերի վրա՝ տեղական ժամանակով ժամը 05:00-ից (Երևանի ժամանակով ժամը 02:00-ից)։ Դեկտեմբերի 8-ին Թայլանդի թագավորական ռազմաօդային ուժերն ավիահարվածներ են հասցրել Կամբոջայի զինված ուժերի դիրքերին։ Հայտարարության համաձայն՝ հարվածները թիրախավորել են ռազմական ենթակառուցվածքները, զենքի պահեստները, հրամանատարական կետերը և լոգիստիկ ուղիները։