Time ամսագիրը Լեոնարդո ԴիԿապրիոյին անվանել է 2025 թվականի տարվա արտիստ

12356

Երկուշաբթի, 08 դեկտեմբերի, 2025 թ., 22:18

Time ամսագիրը դերասան Լեոնարդո ԴիԿապրիոյին անվանել է 2025 թվականի տարվա արտիստ։ Այս մասին ազդարարվել է ամսագրի կայքում։

Time-ը նշել է, որ Լեոնարդո ԴիԿապրիոն կառուցել է այնպիսի կարիերա, որին նրա շատ գործընկերները միայն կնախանձեին։ Նրա խաղը 1993 թվականի «Այս տղայի կյանքը» ֆիլմում գրեթե անհավանական էր։

Time-ը նշում է, որ ԴիԿապրիոն «ունի թվացյալ սխալ ընտրություններ կատարելու տաղանդ, ո,րոնք պարզվում է, բացարձակապես ճիշտ էին»: Ամսագիրը նաև նշում է, որ դերասանն ունի դեմք, որը աշխարհը երբեք չի հոգնում տեսնելուց։ Time-ը Լեոնարդո ԴիԿապրիոյին անվանում է սուպերաստղ։ «Լեոնարդո ԴիԿապրիոյի մեջ ամենաակնառուն այն է, թե որքան զվարճալի է նա, և թե ինչպես, չնայած իր աշխատանքին շատ լուրջ վերաբերվելուն, նա, կարծես, ընդհանրապես լուրջ չի վերաբերվում իրեն»,- նշվում է հոդվածում։

Լեոնարդո ԴիԿապրիոն 51 տարեկան է։ Նա նկարահանվել է մոտ 50 ֆիլմում, այդ թվում՝ «Փրկվածը» ֆիլմում, որի համար արժանացել է «Օսկար»-ի։ Նա նաև BAFTA, «Ոսկե գլոբուս», «Արծաթե արջ» և այլ մրցանակների դափնեկիր է։