Հինգշաբթի, 26 փետրվարի, 2026 թ.
|
Ստեփանակերտում`   +6 °C

«Թրամփի երթուղին» հանգեցրել է Ադրբեջանի և Վրաստանի միջև հարաբերությունների վատթարացմանը․ #Взгляд

«Թրամփի երթուղին» հանգեցրել է Ադրբեջանի և Վրաստանի միջև հարաբերությունների վատթարացմանը․ #Взгляд
696
Երեքշաբթի, 09 դեկտեմբերի, 2025 թ., 12:09

«Միջազգային խաղաղության և բարգավաճման Թրամփի երթուղու» իրականացումն արդեն իսկ լուրջ խնդիրներ է առաջացրել Ադրբեջանի և Վրաստանի միջև հարաբերություններում. Թբիլիսին մինչ օրս տարածաշրջանի հիմնական տարանցիկ օղակն էր, հաղորդում է «Взгляд»-ը՝ հղում կատարելով ադրբեջանական լրատվամիջոցներին։

«Վերջին ամիսներին Բաքվի և Թբիլիսիի միջև հարաբերություններում մտահոգիչ տեղաշարժ է նկատվել»,- գրում է ադրբեջանական «Minval»-ը՝ նշելով, որ սեպտեմբերից ի վեր ադրբեջանցի վարորդները վրացական սահմանին բախվում են ուշացումների։

Ըստ լրատվամիջոցի՝ «Զանգեզուրի միջանցք» նախագծի իրականացումը կզրկի Վրաստանին լոգիստիկ մենաշնորհից: «Այսօր Վրաստանը փաստացիորեն դեմ է խաղաղության և փոխշահավետ տնտեսական կապերի կայուն տարածաշրջանային ճարտարապետության ձևավորմանը»,- գրում է լրատվամիջոցը։

Վրացի քաղաքագետ Կոռնելի Կակաչիան նշել է, որ Վրաստանը կպահպանի իր՝ «Ադրբեջանի և Թուրքիայի միջև հիմնական կապող գործառույթը», նույնիսկ եթե «Թրամփի երթուղին» խլի նրա բեռնափոխադրումների մի մասը:

Կարդացե՛ք նաև