Netflix-ը կնկարահանի անիմացիոն ֆիլմ Մոխրոտիկի խորթ քույրերի մասին

47117

Կիրակի, 14 դեկտեմբերի, 2025 թ., 16:00

Netflix-ը հայտարարել է Մոխրոտիկի խորթ քույրերի մասին անիմացիոն ֆիլմի նկարահանելու մասին: IndieWire-ի տվյալներով՝ հոսքային մուլտիմեդիան (սթրիմինգ) խոստանում է վերաիմաստավորել Լիլիթի և Մարգոյի պատմությունները, որոնք ավանդաբար համարվում էին չարագործներ:

Հեքիաթը կոչվում է «Քայլեր»: Պատմության մեջ Լիլիթը մեղադրվում է կախարդական փայտիկ գողանալու և թագավորական պարահանդեսը փչացնելու մեջ: Ոչ ոք չի լսում նրա արդարացումները, բայց միևնույն ժամանակ նա ավելի լուրջ խնդիր ունի. նա պատահաբար Մարգոյին վերածում է գորտի: Իրավիճակը շտկելու համար Լիլիթն օգնության համար դիմում է Մոխրոտիկին:

Լիլիթին կհնչյունավորի դերասանուհի և կատակերգու Ալի Վոնգը, իսկ Մարգոյին՝ դերասանուհի Սթեֆանի Շուն: Ֆիլմի ռեժիսորները կլինեն Ջոն Ռիպան, «Ռայան և վերջին վիշապը» ֆիլմի ստեղծողներից մեկը, և Ալիս Ցյուն, որը «Սոար» կարճամետրաժ ֆիլմի համար արժանացել է ուսանողական Օսկարի և այս նախագծով կատարում է իր լիամետրաժ ֆիլմի դեբյուտը: Պրոդյուսերները կլինեն Էմի Փոլերը, Ջեյն Հարթվելը և Քիմ Լեսինգը: Ֆիլմի թողարկումը նախատեսված է 2026 թվականին։