Հովհաննես Բաչկովը աշխարհի առաջնության 5-րդ բրոնզե մեդալը նվաճեց

1289

Հինգշաբթի, 11 դեկտեմբերի, 2025 թ., 18:54

Տոկիոյի Օլիմպիական խաղերի բրոնզե մեդալակիր, աշխարհի առաջնության քառակի բրոնզե մեդալակիր, Եվրոպայի եռակի չեմպիոն Հովհաննես Բաչկովը 5-րդ բրոնզե մեդալը նվաճեց աշխարհի առաջնություններում:

Դուբայում անցկացվող աշխարհի առաջնությունում Բաչկովը 67 կգ քաշային կարգի կիսաեզրափակչում մենամարտեց Ռուսաստանը ներկայացնող Եվգենի Կուլի հետ և պարտվեց 2:5 հաշվով:

Ռինգից հեռանալիս Բաչկովը հուզվեց ու անմիջապես հանեց բրոնզե մեդալը պարանոցից: Հովհաննես Բաչկովը մարզական կարիերայում աշխարհի առաջնության արդեն 5-րդ կիսաեզրափակչում է պարտվում: