«ԵՄ-ն անհեթեթ որոշումներ է կայացնում Վրաստանի վերաբերյալ». Կոբախիձե

Եվրամիությունը Վրաստանի վերաբերյալ անհեթեթ որոշումներ է կայացնում և հայտարարություններ անում, այս մասին Աշխաբադում լրագրողներին հայտարարել է Վրաստանի վարչապետ Իրակլի Կոբախիձեն։
Կոբախիձեն հինգշաբթի օրը աշխատանքային այցով մեկնել է Թուրքմենստան՝ մասնակցելու Խաղաղության և վստահության միջազգային տարվան նվիրված ֆորումին։
«Մենք այսօր ԵՄ-ում տեսնում ենք, որ նրանք, այդ թվում՝ Վրաստանի վերաբերյալ, անհեթեթ որոշումներ և հայտարարություններ են կայացնում։ Այս ամենը ոչ ֆորմալ կառավարման արդյունք է», - հայտարարել է Կոբախիձեն։