«Ուկրաինայի՝ ՆԱՏՕ-ին չանդամակցելու հարցն անկյունաքարային է»․ Պեսկով

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ուկրաինայի՝ ՆԱՏՕ-ին չմիանալու վերաբերյալ իրավական պարտադրող փաստաթղթի առկայությունը հակամարտության կարգավորման բանակցությունների անկյունաքարերից մեկն է։ Քննարկումների մանրամասները նա հրաժարվել է բացահայտել։

«Բնականաբար, այս հարցը անկյունաքարերից մեկն է և ենթակա է առանձնահատուկ քննարկման։ Դրանում էլ հենց կայանում է բանակցային գործընթացը, որը, ինչպես արդեն նշել եմ, մենք չենք ցանկանում վարել հանրային ձևաչափով»,- լրագրողներին ասել է Կրեմլի ներկայացուցիչը։

Ավելի վաղ Ուկրաինայի նախագահ Վլադիմիր Զելենսկին նշել է, որ Ուկրաինան պատրաստ է հրաժարվել ՆԱՏՕ-ին անդամակցելու ձգտումներից՝ Արևմուտքի կողմից անվտանգության երաշխիքների դիմաց։