«Ուկրաինան ո՛չ դե ֆակտո, ո՛չ դե յուրե Դոնբասը ռուսական չի ճանաչում»․ Զելենսկի

Ուկրաինայի նախագահ Վլադիմիր Զելենսկին հայտարարել է, որ Ուկրաինան Դոնբասը չի ճանաչի որպես Ռուսաստանի տարածք՝ ո՛չ դե ֆակտո, ո՛չ էլ դե յուրե։ Այս մասին նա հայտնել է լրատվամիջոցների հետ զրույցում։

«Ինչ վերաբերում է ռուսների դիրքորոշմանը, ապա այն առայժմ չի փոխվել. դուք գիտեք, որ նրանք ցանկանում են Դոնբասը։ Մեր դիրքորոշումը գործնական է, իրատեսական և արդար. մենք չենք ցանկանում հանձնել Դոնբասը։ Ամերիկացիները ցանկանում են գտնել փոխզիջում, նրանք առաջարկում են ազատ տնտեսական գոտի։ Ես ևս մեկ անգամ շեշտում եմ՝ ազատ տնտեսական գոտին չի նշանակում, որ այն կլինի ՌԴ ղեկավարության ներքո»,- նշել է նա։

Զելենսկին ասել է, որ տարածքների հարցը քննարկվում է, սակայն Ուկրաինան Դոնբասի ժամանակավորապես օկուպացված հատվածը ռուսական չի ճանաչի: