«ՌԴ դիվանագետներն այցելել են Սամվել Կարապետյանին»․ Կալուգին

Ռուսական կողմը հայկական կողմի հետ պաշտոնական շփումներում բարձրացնում է գործարար Սամվել Կարապետյանի կալանավորման հարցը, РИА Новости-ին ասել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։

«Երևանում Ռուսաստանի դեսպանատան միջոցով հասել ենք հյուպատոսական այցելության հնարավորության։ Մեր դիվանագետները վերջին անգամ նրան այցելել են դեկտեմբերի սկզբին»,- ասել է նա։

«Մենք ստանում ենք Կարապետյանի վիճակի վերաբերյալ բոլոր անհրաժեշտ տեղեկությունները, այդ թվում՝ նրա փաստաբանների և հարազատների միջոցով»,- հավելել է պաշտոնյան։