Պուտինին զեկուցել են Զապորոժիեում Գուլյապոլե և Դոնեցկում Դիմիտրով քաղաքների գրավման մասին

Ռուսաստանի նախագահ Վլադիմիր Պուտինն այցելել է ԶՈՒ հրամանատարական կետերից մեկը, որտեղ նրան զեկուցել են, որ ռուսական զորքերը գրավել են Գուլյապոլե քաղաքը՝ Զապորոժիեի մարզում և Դիմիտրովը՝ Դոնեցկում։ Այդ մասին տեղեկացրել է «Коммерсантъ»-ը՝ հղում կատարելով Կրեմլի մամուլի ծառայությանը։

Մարտական առաջադրանքների կատարման մասին ՌԴ նախագահին զեկուցել է ՌԴ Զինված ուժերի Գլխավոր շտաբի պետ Վալերի Գերասիմովը։ Վլադիմիր Պուտինը նաև լսել է «Կենտրոն» եւ «Արևելք» զորախմբերի հրամանատարների, ինչպես նաև զորամիավորումների հրամանատարների զեկույցները։

Պուտինը հայտնել է, որ զինված ուժերի առջև ծառացած բոլոր խնդիրները մարտական գործողությունների գոտում կատարվում են ըստ պլանի։